Music Song Lyrics

Music Lyrics
Browse: 0-9 A B C D E F G H I J K L M N O P Q R S T U V W X Y Z
Custom Search
Main Menu
Home
Top Lyrics
Newest Lyrics
Tourist Landmarks
Download Ringtones
Contact
Submit Lyrics
 
Members Area
Remember me
Forgot password
Sign Up




Music Lyrics » » Lyrics - Lyrics


A tamurt-iw Lyrics

Ṭṭfeɣ leğmeε d rray-iw
Tezzmeɣ iman-iw
Ma ɣezzif yiles-iw
Init-d ma s-εeḍfeɣ

A tamurt-iw, a dduḥ n temẓi-w
Acimi i d-luleɣ ?

Luleɣ-d, ḍalleɣ-d ɣer ddunit
Ziɣemma d targit
Kriɣ-tt tameddit
Ṣṣbeḥ a tt-ffɣeɣ

A tamurt-iw, a dduḥ n temẓi-w
Aḥbib ma t-kesbeɣ

Tawwurt yeffren lesrar-iw
Llin-tt yeḥbiben-iw
Kecmen-tt yeεdawen-iw
Lbaḍna-w teffeɣ

A tamurt-iw, a dduḥ n temẓi-w
Fell-am ma ad rewleɣ ?

Imi d-luleɣ d aqbayli
Isem-iw imenɣi
Xas teḥfa tdukli
A tt-id-ssmesdeɣ

Ay at tmurt-iw
S tidi lmux-iw
Ara ken-in-dehneɣ

Fkiɣ ɣer ssuq isem-iw
Γer rreḥba izzayriyen
Ad yezzenz imeṭṭawen-iw
Ma llan wid ara ten-yaɣen

Ğeεleɣ a d-qḍuɣ lebɣi-w
Ziɣen teqleb tewriqt-iw
Anda akken ufiɣ leḥbab-iw
I d-ttnejmaεen yeεdawen

Nestufa-d akk i tɣersi
Ammus ɣef leεḍam yettban
Ntett ayen ur d aɣ-nehwi
Neqqar wa d aẓidan

Tidet ttecceḍ deg yimi
Degmi akka nuder d tirni
Sebεa qama di lxali
Lberr yexreb, ur iban

Nettḥir ad nleqqem lekdeb
I wakken ad nɣellet lɣella-s
Nemḥezwar s asegrireb
Nettemḥezwar ɣer txidas

Mi d-iban wemdan d ddheb
Fell-as a d-nger leεğeb
Di tidet a t-neskideb
Alamma nhudd-as tissas

Anda-t weqbayli iseḥḥan
D tisegnit daxel n walim
Ur iban wemdan yeɣran
Ur iban win yellan d abhim

Asmi d-neffeɣ s iberdan
Ziɣ akken a d-nawi imekwan
I Sidi akk d Si Flan
Ass-a kul wa anda yeqqim

Nnan win yeččan, yečča
Win yegran tarbut tekkes
Uɣalen akk d iqerra
Widen i wumi ɣezzif yiles

Annar i sen-d-nḍerra
Nnif deg-s i yexnunes

Cfiɣ usan-d s teḍsa
Ad dduɣ di lğerra-nsen
Nnan ilaq-aɣ tura
Tamurt a s-nbeddel udem

Yuɣal mi akken ur qbileɣ ara
Ggullen ar d iyi-ssimsen
Ass-a wa yeqqar i wa
Aqcic-nni d imciṭṭen

Sswen aẓar n tecmat
Yuɣ amḍiq di ddunit-iw
Ur d iyi-d-teqqim tegmat
Ṭṭlam idel tafat-iw

Lfinga undin-tt, qurεen-tt
Alamma tezla lferḥ-iw

Ḍḥiɣ-d d aqell ger tizzya-w
Anda ddiɣ a yi-yessweεden
I leḥbab qqleɣ d aεdaw
Qlil win ɣaḍeɣ seg-sen

Win i d-yuẓan ɣer lğerra-w
Ad as-nnḍen am wegraw
Lmux-is ad s-t-ssirden

Cfiɣ ttejra yeknan
Σebban ddel wafriwen-is
Teṣber i tmes d iḥerqan
Teṣber i cctawi d wegris

Leḥbab ur iyi-gan ccan
Rniɣ deεwessu imawlan
Tewwi-yi ddaw iferrawen-is

Cfiɣ aḍu lemḥibba
Ul-iw assen mi t-yedhen
Ggulleɣ ur ḥniteɣ ara
Wwiɣ-as-d win i t-yessferḥen

Di taddart ur bɣin ara
Nnan-as irkell winna
Ilaq win a t-yessferɣen

Xas akken wwḍeɣ lebɣi-w
Temɣi tteɣziza qerrḥen
Xas akka aql-i s wexxam-iw
Mazal-iten deg-i a kkaten

Tɣedreḍ-iyi a tamurt-iw
Ur teğğiḍ ara ixṣimen-iw
A sen-ẓmeɣ lebṣel s allen

Tɣedreḍ-iyi a tamurt-iw
Teğğiḍ mmaren idammen-iw
Xnunsen di lqaεεa-inem

Ah annaɣ a tamurt-iw
Teswiḍ tidi leεḍam-iw
Terriḍ ɣer lḥebs asirem

Ad ruḥeɣ ad beddleɣ isem-iw
Ssamsen-as wat taddart-iw
Nnif-iw yettwaqeccem

Skud akka ur yefcil wul-iw
Ad nnejliɣ a tamurt-iw
Ad rewleɣ si lbaṭel-inem
https://www.elyricsworld.com/a_tamurt-iw_lyrics_matoub_lounes.html

Ur d iyi-d-yeqqim weḥbib
D acu iyi-d-yegran d nnṣib
Siwa lemḥibba leḥlal

Yid-s ad awiɣ abrid
Ur d aɣ-d-iḥebbes usemmiḍ
Iṭij ur d aɣ-yessefcal

Ad nqelleb ɣef lweqt ajdid
Balak di tmura lebεid
Ara naf ddwa n temsal

Ammar a d-ṣfun wussan
A ɣ-d-iṣaḥ umur di zzman
Wamma ass-a aql-aɣ di lmuḥal

Ad nɣellet tidi-nneɣ yerɣan
Am nekkni am imeɣban
Nettrağu itri-nneɣ a d-ilal

Akken wid i ɣ-yessweεden
A sen-yezzi s weεrur lawan
Ad asen-yessexreb lecɣal

D iẓekwan imawlan-iw
Ara d-ğğeɣ d aẓar-iw
Ur yelli wayen nniḍen

Imi yi-yenker wakal-iw
Ad ruḥen ad beddleɣ laṣel-iw
A d-yaki sseεd-iw yeṭṭṣen

A d-lhiɣ deg wexxam-iw
Ad sseɣreɣ arraw-iw
D luɣa n medden ara ḥefḍen

Dayen tefsed tmurt-iw
Fkan afus watmaten-iw
Zzenzen-tt i yeεdawen

Γef wakken i ɣ-d-qqaren
Di ccfaya-nsen yemɣaren
Leεmer i ɣ-yeffiɣ wammus

Larebεa n At Yiraten
Irumyen mi tt-id-kecmen
D nekkni i yefkan afus
Mazal timsal-nniḍen
Γezzifit am yemraren
Ayen i d-ḥkiɣ drus

I yi-tt-igan d idammen-iw
Mačči d kemm a tamurt-iw
Ur lliɣ d aεdaw-inem

I yi-ixedεen d atmaten-iw
Asmi akken i sen-ldiɣ ul-iw
Uɣaleɣ la ttnaɣeɣ yid-m

Ssmaḥ, ssmaḥ a tamurt-iw
Xas ad tebεed tenṭelt-iw
Err-itt-id s irebbi-inem

Latest lyrics from Matoub Lounès: You may also like these song lyrics:
Tighri n tajjalt (Live) Lyrics
Tighri n tajjalt Lyrics
I Ddunit-iw Lyrics
A yemma yemma Lyrics
A tamɣart Lyrics
A yemma amek Lyrics
A tayri Lyrics
Aɣrib Lyrics
Abrid i reglen Lyrics
Aɣrib Ul-iw meskin ihujer Lyrics


We tried to make Matoub Lounès - A tamurt-iw Lyrics accurate, but if you find any mistake in A tamurt-iw Lyrics please use the submit lyric link from the left menu to submit the right version. You can also submit Matoub Lounès Lyrics that are not currently present in our site using the same link. We appreciate that.

Other options:
A tamurt-iw lyrics @ songlyrics.com

[Lyrics Time]
All lyrics are property and copyright of their owners. All lyrics provided for educational purposes only.
�2004-2011 elyricsworld.com

Lyrics