Meier & Wimmer Lyrics
Da Meier und da Wimmer
Da Meier hot an Dreier und da Wimmer hot an Simmer
Da Meier werd ned gscheida und da Wimmer is da dimmer
Da Meier und der Wimmer
(A bissl wos geht imma)
Da Meier hot an Dreier und da Wimmer hot an Simmer
Da Meier bringt nix weida und da Wimmer is no schlimmer
Da Wimmer fahrt an Simma vierzehn Hoibe hot a drinna
Er ko ned mehra dringa denn moing bringt er seine Kinder
Zur Oma nauf noch Minga und do muas da Pegel stimma
Aiso zoit a gschwind sei Zech und hockt se in sein Bimma
Da Radio geht o und es lafft da Zipfeschwinga
Da Wimmer draht sei Anlag auf und peitscht de 12 Zylinder
Auf oamoi leit sei Telefon, sei Gschpusi Meier Linda moint ihr
Oida war beim Karteln und de ganze Nocht verhindert
Da Wimmer in seim Simmer schaut no imma auf sei Iphone
Auf oamoi duats an Duscha denn er is irgendwo nei gfohrn
D'Windschutzscheibn is eigschlogn
Hagodd-za! da Leihwogn
Da Simma fangt zum Brutzeln o wiad Krusten vo am Schweinsbron
Da zweif Zylinder brennt wos da Wimmer glei erkennt
Denn jetz gehts um sei Lebn aber d Fahrertür de klemmt
Er krackselt übers Schiebedoch und brunzt in des Inferno
Da Wimmer schaut se d Stern o und grunzt wia aufm Herrnkloh
A Liter oder zwoa heifan do ned wirklich weida
Die Funken spritzen meterhoch da Jagerzaun fongt Feier
Da Wimmer nimmt des easy und lacht über des Unglück
Er hoit richtig gmacht er steht bei da Linda aufm Grundstück
Da Meier und da Wimmer
(A bissl wos geht imma)
Da Meier hot an Dreier und da Wimmer hot an Simmer
Da Meier werd ned gscheida und Wimmer da dimmer
Da Meier und da Wimmer
(A bissl wos geht imma)
Da Meier hot an Dreier und da Wimmer hot an Simmer
Da Meier bringt nix weida und da Wimmer is no schlimmer
https://www.elyricsworld.com/meier_,,_wimmer_lyrics_dicht_,,_ergreifend.html
Da Meier bringt nix weida weil er hot an sauban Seier
Er heart fria auf zum Kartln weil sunst moant a werds eam z deia
As ganze Geid vapreit aiso steigt a in sein Dreier
In da oana Händ de Kippen und de andere am Steier
Mit hundert in da Kurven suacht a noch am Feia
Sei Dreier kimmt ins Schleidern denn der is nimma da neia
Er priegelt ins Bankett nei und kos nimma da steian
Da Dreier überschlogt se und da Meier land im Weiher
Es hotn aufgsteit dassd sogst mit da Schaufe zeits ned
Er ziagt sei Hosn aus und schleicht se nackert übern Feidweg
Er vosteht die Woid ned, wos mocht'n do der Wimmer
Steht broadhaxad am Autodoch und pieselt auf sein Simma
Da oane is on Fire und da anda is am Ziedan
Beide miasns Reihern aber mächatn a Zigarrn
Hä Oide geh moi aussa do und schau hoit ned so zwieda
Sogt do Meier zu der Seinigen
Do Wimmer kons ned glaubn dos da Meier scho dahoam is
Und frogtn unverbindlich sog moi is dei Oide hoacklig
D'Linda hot des g'hert und frogt'n Oiden noch'm Dreier
Da Meier ned da Gescheida sogt da Dreier ligt im Weiher
Da Meier und da Wimmer
(A bissl wos geht imma)
Da Meier hot koan Dreier und da Wimmer hot koan Simmer
Da Dreier ligt im Weiher und da Simma brennt no imma
Da Meier und da Wimmer
(A bissl wos geht imma)
Da Meier hot koan Dreier und da Wimmer hot koan Simmer
Da Dreier ligt im Weiher und da Simma brennt no imma
